رواية موضوع عائلي الفصل الثامن عشر 18 الجزء الثاني بقلم رحاب القاضي

 رواية موضوع عائلي الفصل الثامن عشر 18 الجزء الثاني بقلم رحاب القاضي

#موضوع_عائلي

"الجميله والشعر الابيض" 

_الحلقه الـ18 

ـــــــــــــــــــــــــــــــ 

_أ..رأيتَ ما فعلتهُ بيِ، لقد اصبحتُ لا استطيعَ العيشَ بدونك... ولا معكَ😔

_ كانت شهد حاطه ايدها علي وشها ومصدومه من اللي عملو، هو مد ايده عليها وفي الشارع قدام الناس.. 

مسك ايدها بقوه وقال بغضب

يلا يا شهد... 

حاولت تخليه يسيب ايدها وقالت بدموع

سيب ايدي انا مش هاجي معاك.. 

يونس بعصبيه 

انتي عايزه ايه، انا مش عارف اتحكم في اعصابي فبدل ما اتصرف بطريقه هتقل منك امشي معايا وانتي ساكته، يا مدام يا محترمه.. 

_واللي زاد الموضوع سوء هو زيد اللي قرب منهم وقال وهو عيونه علي شهد.. 

زيد 

في ايه يا شاهي مين ده؟.. 

شهد بقلق

دد ده اا.. 

_يونس وقف قدامها وخلاها وراه ورد علي زيد بكل قوه وثبات وقال... 

يونس

جوزها انت مين بقي يا روح امك؟.. 

زيد بهدوء

قصدك طليقها عدي قالي انك مطلقه يا شاه.. 

_ قبل ما يكمل كلامه مسكه يونس من هدومه ولكمه بقوه خلاه وقع علي الارض بسبب جسمه الضعيف مقارنتاً بيونس اللي كان اطول واجمد منه، وما اكتفااش بكده نزل لمستواه علي الارض ولف ايديه حوالين رقبته وقال بنبره تحذيريه.. 

يونس بغضب

والله لو اسمها جه علي لساانك تاني او فكرت تبصلها يالا هقتلك، وقبل ما تعرف هي متجوزه ولا مطلقه اعرف انها "مِلك" يونس الصاوي واللي يقرب منها لاي سبب يبقي قضي علي عمره... 

شهد بدموع وخوف 

خلاص يا يونس عشان خاطري انا هعملك كل اللي انت عايزه بس سيبه.. 

_ بصلها يونس بنظره كلها لوم وغضب، وقام ومسك ايدها بتملك قدام زيد وكأنه بيثبتله انها ملك له فقط ولا احد. له الحق بها مثله... 

_ واخدها يونس وركبو عربيته وكانت خايفه جداً منه ومن اللي ممكن يعمله فيها اول ما يوصلو البيت، هي لاول مره تشوفه بالعصبيه دي لدرجة انها مش عارفه تفسرها دي غيره، ولا عصبيه عشان قدرت تبقي في مكان هو فيه بس من غيره وبمجهودها وشغلها ومع حد غيره.. 

_ زاد خوفها اضعاف اول ما وصلو البيت، كانت خايفه تنزل من العربيه وفضلت متبعاه لما نزل هو ورزع الباب ورااه وفتحلها الباب وشدها من ايدها جامد واخدها ودخلو جوه، وذقها جامد علي الكنبه اللي في الصاله اللي في نص بيته، ووقف قدامها وبصلها بغضب وقال.. 

يونس

خايفه؟.. 

ردت عليه بنبره مهزوزه وقلق

انت جايبني هنا ليه دلوقتي؟.. 

_قرب منها وهي قاعده وحاوطها بأيديه الاتنين وهو ساند  علي الكنبع وقال بنبره هادئه جداً... 

يونس

كنتي هناك بتعملي ايه؟.. 

غمضت عيونها بخوف وزادت ضربات قلبها وردت عليه

ابعد عني يا يونس وبطل همجيتك دي.. 

مسكها من دراعها جامد وزعق فيها

ما الهمجيه دي هي اللي بتنفع معاكي، الحنيه والهداوه بيخلوكي تنسي نفسك.. 

بعد عنها وكمل كلامه بنفس نبرته

هو ده اللي انتي كنتي عايزااه، كنتي عايزاني اسيبك براحتك تشتغلي وتخرجي عشان تبقي واحده شمال وتتصرمحي مع الرجاله الزباله براحتك.. 

شهد بقلق ودموع

ده شغلي اا.. 

_مسك المزهريه اللي كانت علي الترابيزه وكسرها قدامها بكل غضب وعصبيه وهو بيقول بصوت عالي جداً... 

يونس 

شغل ايه ده اللي يخلي الحيوان ده يقرب منك ويلمسك، شغل ايه ده اللي يخلي راجل يقربلك وعايزاني اسكت، ده انتي اللي كده جيبتي اخرك معايا وما حدش هيلومني بعد كده علي اللي هعمله.. 

_ كانت بتعيط بخوف منه لانها عارفه انه ممكن يعمل اي حاجه لما بيتعصب، وفي الوقت ده نزلت هناء من فوق وهي خايفه من صوت يونس العالي، وقربت منهم وقالت.. 

هناء

في ايه مالك بتزعق كده ليه يا يونس، واناي بتعملي ايه هنا يا شهد دلوقتي ومالك يا حبيبتي في ايه؟.. 

شهد ببكاء

خليه يسيبني امشي يا طنط هناء ابوس ايدك... 

قبل ما ترد عليها هناء قال هو بحده

كان زمان وجبر، ما فيش خروج من هنا تاني انتي مكانك هنا بيتي وهرجعك غصب عنك وتقعدي تربيلي ولادي وتبقي تحت جزمتي وكتير عليكي كمان.. 

هناء بقلق

طيب اهدي طيب الكلام ما ينفعش كده يا ابن حامد الصاوي انت... 

_وقعدت جنب شهد اللي كانت مرعوبه من يونس وقالتلها بصوت واطي... 

هناء

هو انتي هببتي ايه ما كان هادي وعارفين نسيطر عليه.. 

_ ما ردتش عليها شهد وفضلت متابعه يونس اللي راح عند باب البيت ونده للسواق بتاعه اللي جه وقاله بجمود.. 

يونس

بكره من صباحية ربنا تروح بيت المدام شهد وتقول للي هيفتحلك الباب انها هنا في بيت يونس الصاوي وقالتلك تجيبلها الولاد بحاجتهم.. 

السواق 

تحت امرك يا يونس بيه.. 

_مشي السواق ويونس دخل تاني وشهد بدأت هي كمان تفقد صبرها ووقفت قدامه وقالت بحده.. 

شهد 

لا بقي انا سكت كتير، مديت ايدك عليا وزعقت وضربت مديري في الشغل ودمرتلي الحاجه الوحيده اللي لقيت نفسي فيها، وجاي دلوقتي ترجعني ليك غصب عني.. 

يونس ببرود

ايوه وده اللي عندي وما اسمعش صوتك تاني... 

هناء بقلق

يا ابني مش كده بالراحه وفهمني حصل ايه يهليك تعمل كل ده؟... 

رد عليها يونس

اهي عندك تحكيلك.. 

ورجع بص لشهد وقال بغضب

وعندك اوضة ولادك نامي فيها للصبح، والصبح هبعت اجيب اخوكي والمأذون وهنرجع واللي عدي كله كوم يا شهد واللي شوفته النهارده ده كوم تاني.. 

_ قال كلامه وسابها وطلع اوضته وهي قعدت مكانها وفضلت تعيط بحزن، قعدت جنبيها هناء وقالت.. 

هناء

اهدي طيب يا شهد هو العياط هيرجع حاجه، اسألي مجرب قبلك.. 

شهد ببكاء

انا مش زيك انا اضعف منك بكتير، انا بخاف منه ومش عارفه احمي نفسي منه، مش عارفه اخد منه موقف وامشي وهو مستغل ده وبيهين فيا براحته.. 

هناء بحزن 

طيب بطلي عياط عينيكي قلبت حمرا كفايه، وقوليلي حصل ايه يخليه يوصل لاحاله دي؟.. 

ــــــــــ #بقلم_الكاتبه_رحاب_القاضي ــــــــ

_اتعلم لماذا كنت أخاف من الاقتراب لاني كنت اعلم هذه النهايه جيداً💔

_ دخلت جميله الكافي اللي قالت لعمار يستناها فيه وشافته قااعد علي ترابيزه بعيده شويه عن الاجواء وماسك موبيله وملهي فيه، اتملت عيونها دموع وقالت لايتن.. 

جميله 

استنيني في عربية ماما يا ايتن معلش.. 

ايتن بضيق

بلاش بجد والله حرام عليكم اللي انتو بتعملوه ده.. 

جميله بحده 

اخلصي يا ايتن يلاا.. 

_ اخدت منها ايتن المفتاح وطلعت، وهي راحت لعمار وقعدت قدامه وهو لما رفع عيونه وشافها ابتسم بهدوء وقفل الموبيل وقالها... 

عمار بهدوء

مالك بقي زعلانه ليه؟.. 

ردت عيله بجمود

عمي كلمك مش كده؟.. 

اتنهد بضيق ورد عليها

ايوه كلمني وقالي انكم رافضين، بس عادي احنا كنا عاملين حسابنا انهم هيرفضو بسيطه نحاول تاني ما انا مش هسيبك يعني مش هسيبك.. 

اتملت عيونها دموع وقالت

مش هينفع خلاص كده.. 

اختفت ابتسامته وسألها

ازاي يعني خلاص كده؟!... 

جميله بثبات 

يعني مش هينفع نكون مع بعض، احنا عايزين كده بس لا هما ولا ظروفنا عايزه كده.. 

عمار بنبره شبه حاده 

في داهيه اي حاجه المهم احنا عايزين ايه.. 

جميله بنبره حزينه 

مش هينفع عشان انت في كفه وماما في كفه تانيه وانا مش هينفع اختارك انت علي حسابها هي، انا كان نفسي نكمل مع بعض وصدقني ما فيش راجل حلمت اني اكمل حياتي معاه غيرك انت، بس ما ينفعش... 

_وقلعت الخاتم اللي جابهولها وحطته قدامه وجات تمشي بس هو قام بسرعه ووقف قدامها وقال بصوت شبه عالي... 

عمار

اللي ما ينفعش هو انك تسبيني يا جميله، ومدام ناويه علي كده ليه قولتي انك مستعده تكوني معايا ليه خلتيني احبك واتعلق بوجودك اووي كده مدام ناويه تمشي ليه ما مشتيش من الاول... 

_ بدأت الناس تبصلهم بفضول، وجميله بعدت عنه كام خطوه لورا وردت عليه بجمود وقالت... 

جميله

انا اسفه بس بجد ما ينفعش، انا الخميس الجاي كتب كتابي علي ابن عمي.. 

خبط ايده علي الترابيزه ةقال بعصبيه

ايه اللي انتي بتقوليه ده، ليه بتنهيها كده ليه؟.. 

_سكتت جميله وبصت للارض وهي بتحاول تكتم دموعها، وهو فقد اخر نقطة تحكم في اعصابه ومسكها من ايدها جامد وقال.... 

عمار بغضب 

ده مش هيحصل، انتي مش هتبقي لغيري.. 

سحبت ايدها منه وردت عليه

بس انا وافقت ودي رغبتي يا عمار، بعد اذنك.. 

_ قالت كلامها بكل هدوء وثبات وسابته ومشيت، كان كل اللي شايفين الموضوع بيبصوله بحزن وشفقه علي حالته، فاخد موبيله والخاتم من علي الترابيزه ومشي واول ما طلع بره المطعم وركب عربيته واتملت عيونه دموع وفتح موبيله وبص لصورتها اللي حاطتها علي خلفية موبيله وقال ودموعه بتنزل... 

عمار 

انتي اللي اختارتي يا جميله، وهي فعلاً خلصت كده... 

_ وعند جميله كانت بتسوق العربيه بتاعت وايتن جنبيها وملامحها هاديه جداً، وبدأت غصب عنها تنعاد عليها ذكرياتها هي وعمار وكلامه اللي ديماً كان بيفرحها واعترافه بحبه ليها في كل مره كانو بيتقابلو فيها.. 

_ وفجأه وقفت العربيه وكل الثبات اللي كانت متصنعه بيه اختفي وفضلت تعيط بحرقه، اتخضت ايتن وقالتلها.. 

ايتن بخوف 

جميله في ايه طيب، اهدي عشان خاطري... 

_فضلت جميله علي الحال ده شويه وايتن بتحاول تخفف عنها، وبعد شويه هديت جميله وجات تسوق العربيه تاني بس ايتن قالتلها.. 

ايتن 

بلاش احنا ممكن ناخد تاكسي، بلاش تسوقي في الحاله دي.. 

جميله بنبره مهزوزه 

ما تقلقيش انا كويسه... 

_ ورجعو فعلاً البيت واول ما دخلو لقيو حسين قاعد مع مامتها وكانو بيتكلمو مع بعض وبيضحكو، ولما شافوهم سكتو وحسين قال.. 

حسين 

ازيك يا جميله عامله ايه؟.. 

ما ردتش عليه وفريده قالت

حسين جه بعد ما خرجتو علي طول، بكره هننزل نجيب الشبكه يا جميله عشان تعنلي حسابك انا وعمك اتفقنا علي كل حاجه... 

_اتملت عيونها دموع وسابتهم ودخلت اوضتها وقفلت الباب، وحسين قال لايتن بقلق.. 

حسين

مالها جميله يا ايتن في حاجه معاها ولا ايه؟.. 

ايتن بحزن

عندك ماما اهي اسألها هي اللي تعرف.. 

فريده بصتلها بحده وقالت لحسين

ما فيش يا حبيبي بس كل الحكايه انها عايزه ترجع الشغل وانا مش موافقه بس.. 

حسين 

طيب خلاص وقت ما تحب تشتغل تيجي الشركه وتشتغل ده حقها اصلا.. 

فريده ابتسمت وقالتله

فعلا انا اختارت صح يا حسين ومش هطمن علي بناتي غير وهما معاك... 

حسين 

وهما في عينيا الاتنين يا مرات عمي،جميله حبيبتي وهتبقي مراتي وايتن اختي الصغيره واغلي من كده كمان.. 

ووقف وقال لايتن 

قبل ما نتيجتك تظهر هكون جبتهالك زي كل سنه، المهم خليكي جنب جميله وما تخليهاش تزعل.. 

ايتن بضيق

حاضر.. 

_ واستئذن حسين ومشي وايتن فضلت باصه لمامتها بغيظ، فزعقت فيها فريده وقالت.. 

فريده 

في ايه تعالي اديني قلمين كمان.. 

ايتن 

هو مش انتي معقباني عشان بكدب عليكي، تمام انتي كدبتي اهو علي حسين وما قولتيش الحقيقه اللي هي ان جميله زعلانه علي عمو عمار، يا تارا ايه عقابك بقي يا ماما لنفسك؟.. 

اتوترت فريده وزعقت فيها وقالت

غوري من وشي اهو ده اللي باخده منكم البجاحه وقلت الادب وبس.. 

_ دخلت ايتن اوضتها، وفي اوضة جميله كانت قاعده علي سريرها بتعيط وفي حضنها العروسه اللي جبهالها عمار، وافتكرت كلام مامتها ليها يوم ما اتخانقو... 

_ فلاااش باااك.. 

ــــــــــــــــــ

 جميله بدموع

لا لا انا مش هكون غير لعمار يا ماما، ومش هخليكي تدمري حياتي واتجوز حسين ابن احمد العدوي اللي ما بكرهش في حياتي قده.. 

فريده بجمود

ورحمة ابوكي يا جميله لو اتجوزتي عمار ورفضتي حسين لاكون مسافره عند خالتك في دبي وهفضل لاخر عمري عندها وانا غضباانه عليكي وشوفي انتي واختك هتعيشو ازاي من غيري.. 

جميله ببكاء

انتي ليه بتعملي فيا كده حرام عليكي.. 

فريده بحده 

عشان انتي انانيه وغبيه عمار مش مناسب ليكي وانتي بتغامري في حاجه خسرانه واحد جاي عايز يشتريكي يتسلي بيكي وبس، وعايزه ترفضي حسبن اللي لو رفضتيه عمك هياخد كل حاجه مننا، فكرتي انا واختك هيحصلنا ايه ولا لازم انتي تختاري اللي علي هواكي والباقي في داهيه.. 

_ما ردتش عليها جميله وفريده قعدت جنبيها وقالت بهدوء.. 

فريده

انا بختارلك الصح، حسين انتي بنت عمه وهو مستحيل يأذيكي يا جميله وغير كل ده بيحبك وانا وايتن واخدين بالنا من كده.. 

جميله ببكاء

بس انا بحب عم... 

قاطعتها فريده وقالت

يعني هتختاريه هو علي حساب امك يا جميله؟.. 

جميله بدموع 

لا يا ماما، مش هختاره هو... 

_رجعت من ذكرياتها ومسكت العروسه بتاعتها وابتسمت من وسط دموعها وقالت.. 

جميله 

هتفضل احلي حاجه حصلت في حياتي يا عمار... 

ــــــــــ #بقلم_الكاتبه_رحاب_القاضي ــــــــ

_ تاني يوم في بيت مجدي اخو جهاد.. 

كان قاعد بيفطر ودخلت مراته من بره ومعاها شنطة هدومها، بصلها بطرف عينه وقال.. 

مجدي 

كان عليكي ايه من الاول تمشي مدام هترجعي.. 

اسراء بضيق

ولادك اللي رجعوني، انت ليه بقيت كده يا مجدي يعني انت حنين مع الدنيا كلها تيجي عند اخواتك وتعمل كده.. 

مجدي بضيق

الولاد فين؟.. 

اسراء

وصلتهم المدرسه قبل ما اجي، ولو سمحت رد عليا يا مجدي ليه الطمع ده كله.. 

ساب الاكل من ايده ورد عليها وقال

ده حقي يا اسراء انا اللي تعبت في الشغل ده بعد ما ابويا اترمي في البيت وعجز.. 

اسراء

بس ده ما يرضيش ربنا سيبك من عماد هو اصلا خربان، اختك دي شرفك يا مجدي والبنت شكلها متبهدل.  

مجدي بغضب

اهي دي بالذات لو الدنيا كلها صعبت عليا دي لا، انا ما تعبتش في حياتي كلها غير بسببها هي وامها ما اتحرمتش من ابويا وحنانه انا واخواتي غير بسببها هي، من لما امها خلفتها وابويا كأنه كان محروم العيال رمانا لامي عند خالي وجري عليها هي دلع وكل اللي تطلبه يجيلها في وقت ما انا واخواتي كنا بنموت من الجوع هو ما سألش فينا بسببها، في وقت ما امي كانت بتموت من التعب انا روحت لابويا عشان يلحقها ما رضيش يقابلني اصلا عشان كان بيحتفل بعيد ميلادها هي.. 

اتملت عيونه دموع وكمل كلامه 

عماد ما كانش كده عماد لو كان لقي حد يقف جنبه ويساعده ما كانش وصل للسكه دي، كعماد ده اطيب حد ممكن تقابليه بس الظروف رمته في سكه وحشه، وبسبب جهاد وابويا اللي كان مشغول فيها وبيها وبس فعشان كده سيبتهاله لاني كنت عارف اللي هيعملو فيها كويس.. 

اسراء بحزن

ابوك غلط متاك حق بس هي ذنبها ايه تعاقبها علي غلط ابوك، مهما حصل دي اختك.. 

مجدي بحده 

مش اختي انا ما بكرهش في حياتي قدها، ولو صممت واخدت مني قرش واحد هاخد روحها قصاده ولو هتعيشي معايا ما تدخليش في الموضوع ده تاني.. 

وقام وقف وقال

انا رايح الشغل واعقلي وخليكي في بيتك يا اسراء كفايه دلع فاضي ولاخر مره هقولك مالكيش دعوه باللي بيني انا واخواتي.. 

اسراء بحده 

انا بكلمك في الاصول يا مجدي احنا مش عايشين لوحدنا في الدنيا احنا وسط ناس واخواتك احنا مربطوين بيهم علي طول.. 

مجدي بغضب 

ما حدش عمل بأصله معايا زمان فمش هراعي الاصول مع حد دلوقتي، كنت زمان اهبل وعلي نياتي بس دلوقتي انا اللي هيجي عليا حتي لو كان مين مش هيسد قصادي.. 

_ قال كلامه ومشي وركب عربيته بعد ما فتحله السواق الباب، واتملت عيونه دموع وطلع موبيله وكلم شيماء اخته اللي ردت عليه وقالت.. 

شيماء

ايوه يا مجدي انا معاك اهو.. 

مجدي 

هوو انتي شايفه نفسك بتظلمي جهاد يا شيماء؟.. 

شيماء 

بظلم مين يا مجدي، انت نسيت اللي عشناه بسببها هي وامها، المهم دلوقتي انا هسفر بنتي بره مصر مع ابوها عشان تكمل علاجها، كنت عايزه اسافر معاهم.. 

مجدي

معلش خليكي هنا عشان الايام الجايه مش ساهله، انا هديكي فلوس تسفري بيها بنتك عشان حسابك في البنك تلاقيه وقف.. 

شيماء

ليه ده بقي ان شاء الله وازاي انا ما اعرفش....

مجدي

هتعرفي لان اختك واخوكي رفعو علينا قضيه، بس المهم دلوقتي عايزك تسمعي اللي هقولك عليه وتنفذيه بالحرف الواحد.. 

شيماء

تمام بس هو ايه؟.. 

مجدي؟؟... 

ــــــــــ #بقلم_الكاتبه_رحاب_القاضي ــــــــ

_ في بيت يونس الصاوي... 

كان قاعد في اوضته من الليل بيشرب سجاير بكميه كبيره وهو مش عارف ينام وكل اللي في باله لمسات زيد لشهد، اتنهد بضيق وقام وقف ونزل تحت... 

_ وادايق اكتر لما لقي شهد نايمه علي نفسها وهي قااعده علي الكنبه من امبارح، نزل وقعد جنبيها وبصلها بضيق ومسك ايدها بهدوء واشتيااق، بس اول ما افتكر زيد وهو ماسك ايدها ضغط علي ايدها بقوه وغضب.. 

فتحت عينها هي في الوقت ده من الالم اللي حست بيه في ايدها، ولما شافته حاولت تسحب ايدها منه وقالت بقلق... 

شهد 

في ايه يا يونس سيب ايدي... 

قرب منها وقال بغضب

ازاي تسمحيله يلمس ايدك، ازاي تخليه يقرب منك بالطريقه دي ازااااااي... 

_ قال كلامه وخبط ايده بكل غضب علي الكنبه وراها، فأتنفضت بخوف واتملت عيونها دموع وطلبت منه بنبره هادئه... 

شهد 

ابعد عني يا يونس وانا هفهمك كل حاجه والله، بس بلاش طريقتك دي... 

يونس وهو علي نفس وضعه 

هتفهميني ايه هو في سبب للقرف اللي شوفته ده.. 

زقته ووقفت بعيد عنه وقالت

هو ايه اللي انت شوفته، كفايه بجد اتحملت منك كتير من امبارح بس كفايه بجد، انت مش ن حقك اصلا تدايق ولا تزعل كل الزعل ده، احنا حكايتنا خلصت.... 

يونس بعصبيه

خلصت ليه عشان تدوري هلي حل شعرك، حتي لو كنت مطلقك يا شهد انتي ام ولادي وتخصيني ولو فاكره اني هسيبك تشوفي راجل غيري او تدخلي راجل غيري حياتك تبقي بتحلمي ده اقتلك واخلث منك ولا اسيبك تبقي لغيري.  

شهد بغيظ 

هو ده كلام ناس عاقلين اصلا؟.. 

رد عليها بحده 

هو انتي خليتي فيا عقل، انا هتجنن لفكرة انه ااا... 

سكت وهو بيحاول يتحكم في غضبه، هي سألته بضيق.. 

شهد 

انت عايز ايه دلوقتي يا يونس؟.. 

يونس 

هنرجع زي الاول، ومش باخد رئيك انا زهقت بالحتيه وبالهداوه وبكل زفت ذوق ما رجعتيش، فخلينا فالغصب هو اللي بيجي معاكي.. 

شهد بدموع 

مش عايزه ارجعلك مش هوافق.. 

يونس بغضب

لا هتوافقي والا هقول لاخوكي كل اللي حصل امبارح، ولو هو كمان ما وافقذ هدمره هخليه يىجع علي الحديده تاني زي زمان لحد ما يوافق.. 

شهد بعصبيه

هو انت بتتلكك انا ما عملتش حاجه تستاهل كل ده، والله كنت هبعده عني بس لما شوفتك اتوترت ومشيت، وانت ما قصرتش ضربتي بالقلم وكنت هتموت الراجل في ايدك مع ان للمره المليون بقولك انت ماكنش ليك حق تعمل كده.. 

يونس قرب منها وقال بحده 

وهو كان ليه الحق يقرب منك ويلمسك، انتي عايزه تجننيني يا بت انتي. وشغل ايه اللي يخليكي تمشي مع واد زي ده.. 

شهد بعدت عنه وقالت بدموع

انا ما صدقت بدأت حياه كويسه ولقيت نفسي فيها، سيبني امشي واصلح اللي انت عملته يا يونس بلاش تخليني اخسر دي كمان... 

زعق فيها وقال بحده 

لا مش هتمشي ومش هتحمل انك تبعدي دقيقه تاني بعد اللي شوفته، حياتك انا وبس يا شهد والكلام خلص... 

ومسك موبيلها اللي علي الترتبيزه وقال

مرات اخوكي بتكلمك قوليلها تبعت الولاد.. 

_ اخدت منه الموبيل وهو طلع بره البيت وراح قند في الجنينه، وشهد قعدت علي الكنبه وهي بتعيط وردت علي زهره وقالت.. 

شهد 

ايه يا زهره في ايه؟.. 

زهره

السواق بتاع يونس جه اخد الولاد، واخوكي رجع وقولتله انك في الشغل مش عارفه اقولة ايه، بقولك ايه يا شهد اتصرفي اخوكي لو عرف اني ساعدتك تخرجي من البيت هيطلقني فيها.. 

شهد بخوف 

يا ربييي الاقيها منين ولا منين، يونس راسه والف سيف لو ما رجعتلوش هيقول كل حاجه حصلت لصبري.. 

زهره 

استغفر الله العظيم يارب، طيب وانتي هتعملي ايه؟. 

شهد 

مش عارفه لو ما وافقتش هخلص من يونس بس مش هخلص من صبري، ولو وافقت صبري مش هيعرف حاجه بس هرحع اعيش نفس الكابوس من تاني مع يونس.... 

زهره

طيب ما ترجعيلو يا شهد يونس اتغير وبعدين عشان ولادك.. 

شهد بدموع 

يونس ما اتغيرش يا زهره لو شوفتيه من امبارح للنهارده اثبتلي انه لو كان اتغير فهو للاسوأ، يونس عمره ما هيبطل همجيه ولا تسرع ولا عمره هيعاملني كويس هتفضل اسهل حاجه عنده هي يضربني وبس.. 

زهره بضيق

طيب هتعملي ايه برضو يا بنت الناس؟.. 

شهد مسحت دموعها وقالت 

اقفلي يا زهره دلوقتي انا هكلمك وقت تاني، وما تقلقيش صبري مش هيعرف حاجه.. 

_ قغلت مع زهره وفضلت تعيط وجات هناء قعدت جنبيها وقالت بحزن.... 

هناء

التاريخ بيعيد نفسه من تاني، نفس الحكايه بتكرر بس ما تعمليش زيي يا شهد... 

بصتلها شهد بعدم فهم وكملت هناء كلامها

ما تبعديش عنه ما حدش هيتعب قدك وقد ولادك، زمان حامد اجبرني اتجوزو واعيش معاه واخلف منه وانا ما كنتش بطيقه اصلا، بس ما انكرش مع الوقت كنت بشوف حبه ليا وكنت لما الاقيه هيتغير خلاص كنت اعصبه واحرق دمه عشان يكرعني فيه، كنت عنيده اووي وفي الاخر خسرته وخسرت ولادي وكويس ولحقت محمد وخليته يظبط حياته، بس قلبي اتحرق علي مازن اللي مات وهو في عز شبابه ومش عارفه اطمن علي يونس ومش عايزاكي تغلطي غلطتي يا شهد.. 

شهد ببكاء

يعني ارجعله بعد كل اللي عملو، هفضل لامتي اسمع ملامه واخاف منه انا تعبت.. 

هناء بهدوء

بصي هو مدام صمم يبقي لا انتي ولا انا ولا الجن الازرق هيعرف يخليه يرجع في قراره، بس انتي لو جدعه ما وافقي وخدبه علي قد عقله واللي انتي عايزااه اعمليه هو هيرجعك ايوه بس في حاجات كتير مش بتيجي بالغصب، ابتسامتك ليه لو انتي مش عايزه تطلعيها مش هتطلعيها قلبة الوش والنكد  دول عقدة الرجاله، التجاهل والبرود وقلة الاهتمام كل دي حاجات ممكن تستغليها وتخليه يبقي زي الخاتم في صباعك، انما انتي بتقدمي كل حاجه حتي وانتي تعباانه مش هيقدر ما فيش رجاله دلوقتي بتقدر وانتي شوفتي بنفسك.. 

شهد بجمود

طيب وشغلي هسيب شغلي يعني ولا ايه؟.. 

هناء

يا بت هعيد تاني يعني، خدي اللي عايزاه بدماغك وشطارتك بلاش القمصه بتاعت العيال دي، بلاش العياط اللي علي الفاضيه والمليانه ده.. 

قامت هناء وقالت

هروح اجهز الفطار وانتي اطلعي اتكلمي معاه، وانتي وشطارتك معاه وخليكي فاكره ان يونس مدام قال هيردك النهارده يبقي هيعملها.. 

_ دخلت هناء المطبخ، وشهد قامت فعلا وطلعت عند يونس في الجنينه وقالت وهي واقفن ورااخ.. 

شهد 

موافقه نرجع.. 

ابتسم بهدوء، بس رجع تاني مكشر وبصلها وقال

قال يعني وانا كنت مستنيكي توافقي.. 

شهد بهدوء

بص يا يونس انا في الحالتين خسرانه، بس رجوعي ليك هيكون خساره بمكسب.. 

يونس بعدم فهم 

يعني ايه؟.. 

شهد 

يعني انا لو قولتلك دلوقتي مش راجعه انت مالكش حاجه عندي هتقول لاخويا هتقلب الدنيا وهخسر شغلي تمام، طيب لو رجعتلك هعيش معاك وانا مش واثقه فيك وكل ما اشوفك هفتكر اللي انت عملته تمام هعديها والايام والوقت ممكن يصلحو كل حاجه، بس ارجع شغلي وده اللي هيخليني اوافق ارجعلك.. 

ضحك بسخريه ورد عليها وقال

عايزه ترجعي تاني عند الواد ابو توكه  ، ده عند امك يا شهد.. 

شهد بغيظ 

تمام قول بقي لصبري اللي تقوله مش هتفرق. 

جات تمشي بس مسك ايدها وقال بجمود

موافق هشوفلك شغل في مكان تاني بعيد عن الواد ده.. 

سحبت ايدها منه وقالت

لا عند زيد وبس.. 

قرب منها وقال بغضب 

ما تنطقيش اسمه قدامي.. 

حاولت تداري خوفها وقالت

هاا موافق ولا لا؟.. 

اتنهد بضيق وقال

لو رجعتي هتتواصلي معاه وممكن اقتلك واقتله لو قربلك.. 

شهد بحده 

بطل تقول كده وتتكلم زي المجانين.. 

يونس بنبره جامده 

هو انتي خليتي في عقل، ده انتي مرمطي ابويا وراكي، علي العموم هتصرف وهخليكي تروحي هناك بطريقه تكوني فيهة تحت عيني وعارف كل اللي بيحصل هناك.. 

شهد بخبث

هتعبرها موافقه، حاجه كمان القلم اللي اديتهولي امبارح عشان غلطه انت كل يوم بتعملها وانا كنت حاطه جزمه في بوقي وساكته انت لازم تاخده عشان نبقي خالصين.  

_ خلصت كلامها وضربته بالقلم علي وشه، ورجعت كذا خطوه لورا وهي حاطه ايدها علي وشها وقالت بسرعه وخوف.. 

شهد 

ولو فكرت بعد كده تمد ايدك عليا تاني هردهالك اديني بقولك.. 

يونس بنفاذ صبر

غوري من قدامي يا شهد احسنلك.. 

شهد كتمت ضحكتها وقالت

انا بقول كده برضو.  

ـ ومشيت بسرعه من قدامه، وهو حط ايده علب وشه وابتسم بخبث وقال... 

يونس

بس نرجع يا شهد وانا هعرف اردلك القلم ده كويس.  

ــــــــــ #بقلم_الكاتبه_رحاب_القاضي ــــــــ

_في الوقت ده في شركة يونس.. 

فضل يوسف يضحك وهو بيكلم يونس في الموبيل وقاله.. 

يوسف

وربنا شهد دي بنت ابوها اديتك قلم كان نفسي ادبهولك من زمان.. 

يونس

المهم مستنيك ما تتأخرش وانا اجازه النهارده واسبوع كمان لقدام.. 

يوسف

لا ما تهزرش والعمليه بتاعت بطه الايام الجايه دي وانا مش عايز ابقي مشغول بأي حاجه غيرها.. 

يونس 

ايوه صح افتكرت خلاص النهارده بس، المهم يلا تجيب المأذون في ايدك وما تتأخرش... 

يوسف

مسافة الطريق يا ابو الصحاب.. 

_ قام يوسف وهو مبسوط وطلع بىه مكتبه ومسك موبيله وبعت رساله صوتيه لبطه وقالهت... 

يوسف

الفطار جاهز في المطبخ يا حبيبتي معلش نزلت وسيبتك بس يونس مش جاي النهارده وانا لازم اكون مكانه، وعلي فكره هيرجع لشهد النهارده خبر حلو اهو يفتح نفسك علي العمليه.. 

_ بعتلها الرساله وهو مبتسم بهدوء وبعدها كالعاده بعتلها القلب الاحمر الداكن اللي من لما اتعرفو وهما بيختمو رسايلهم بيه، وجه ينزل في الاسانسير بس لمح دارين واقفه مع موظفه في الشركه وبيتكلمو، فقرب منها وقال.. 

يوسف

دارين لو سمحتي عايزك في كلمه.. 

دارين بهدوء

طيب تعالي نتكلم في مكتبي.. 

_دخل معاها يوسف المكتب، وهي قعدت علي مكتبها وقالتله بجديه.. 

دارين

خير في ايه؟.. 

يوسف بخبث

ابقي باركي ليونس وهاتيله هديه حلوه كده عشان رجع لمراته... 

دارين بدموع

ايه.. ازاي يعني؟.. 

ابتسم بسخريه ورد عليها

زي ما سمعتي وزي ما قولتلك قبل كده، يونس بيحب مراته ومش هيسيبها ولا هيكون مع غيرها يا دارين، عيطي بقي واكتئبي بس تستاهلي عشان الست اللي تبص لواحد بيحب غيرها تستاهل كده.. 

تألمت من اهانته ليها ووقفت قدامه وقالت

انت ليه كده عامل فيها الملاك البرئ بس انت انسان ما عندكش اي احساس اصلا، انا غلطانه ماشي بس انت مش من حقك تجرحني بالشكل ده.. 

يوسف بجمود

لا من حقي لما الاقيكي داخله تخربي حياة صاحبي طبيعي اكرهك واحاول ابعدك عنه.. 

دارين فضلت تلم في حاجاتها وردت عليه

علي اساس ان صاحبك عيل صغير، بس تمام انا هبعد عنكم خالص انا وجودي هنا كان غلط.. 

ووقفت قدامه وقالت بحزن

واعرف كويس يا يوسف ان انا كمان بكرهك اكتر منك ولو هتمني حاجه هتمني اشوفك واقف قدامي وانت موجوع ومكسور واشمت فيك زي ما انت شمتان دلوقتي، وابقي قول لصحابك اني مستقيله.. 

يوسف بضيق

دارين استني انا ااا.. 

_ ما اديتزش فرصه تسمعه ومشيت بسرعه من قدامه ومن الشركه كلها، هو فضل يقنع نفسه انه عمل الصح وانه خلاها تبعد عن يونس عشان الاتنين يرتاحوو.. 

ــــــــــ #بقلم_الكاتبه_رحاب_القاضي ــــــــ

_ وفي شركة عمار المنشاوي.. 

وبالاخص في مكتب عز الدين كان قااعد في مكتبه وماسك موبيله ودخلت عنده فيروز فبسرعه قفل الموبيل وقال.. 

عز الدين

بشتغل والله.. 

ابستمت فيروز وقالت

هو انا ليه حاسه ان انا المديره.. 

عز الدين بسخريه

طيب ما انتي المديره ده انتي شبها بالظبط.. 

اتنهدت بنفاذ صبر وردت عليه

طيب علي العموم عمار بيه قال ان حضرتك هتكون مكانه النهارده في كل حاجه وانه كمان شويه هيمشي.  

عز الدين 

يووه علي النكد اللي علي الصبح، طيب شوفي الحاجات البسيطه اللي عندنا وخلي الصعب ليه هو لما يرجع.. 

فيروز حطت قدامه ظرف علي المكتب وقالت

انا كنت عايزه اشكر حضرتك علي انك دفعت حساب المستشفي بس انا كنت هدفعه علي فكره.. 

عز الدين بجمود

امسكي فلوسك يا فيروز دي حاجه بسيطه، وبعدين هو مش احنا معرفه كبيره ببعض عادي يعني... 

فيروز بجمود

لا مش عادي حضرتك احنا علاقتنا محدوده بالشغل وبس واظن ما فيش سبب تاني يخليك تدفع حساب المستشفي لبابا، الا لو كانت نيتك حاجه تانيه فانا ما اسمحلكش اا.. 

عز الدين بغيظ

اسكتي هلاص هاخدهم، انتي بس صعبتي عليا من اللي بيعملوه فيكي اهلك.. 

فيروز بضيق

وحضرتك دخلك ايه في حاجه زي دي.. 

عز الدين بجمود

انا سمعت بالصدفه وحبيت اساعدك.. 

فيروز بعصبيه

وانا ما طلبتش من حضرتك مساعده ومش بحب حد يدخل في مشاكلي وخصوصا في الشغل.. 

وبصت في الورق اللي في ايدها وقالت

في اجتماع مع المندوب بتاع شركة الاعلانات الجديده، وبعدها في مناقشه للشحنه الجديده ياريت تبقي جاهز بعد اذن حضرتك.. 

قالت كلامها وطلعت وهو مسك موبيله وقال

زي القمر بس بومه، خليكي محتاسه لوحدك شويه انا هوريكي يا حضرة الناظره.. 

ــــــــــ #بقلم_الكاتبه_رحاب_القاضي ــــــــ

_ وفي مطعم المنشاوي.. 

كان زكريا كل شويه يطلع بره المطعم ويدخل تاني، بصله المنشاوي وضحك بهدوء وقاله.. 

المنشاوي

اقعد بقي بطل تنطيط الناس خدت بالها انك مش علي بعضك.. 

قعد زكريا قدامه وقال

ما هو كل ده بسببك انت ليه تخليها تروح مع المحامي ده لوحدهم اصلا.. 

المنشاوي

ما الراجل قال لازم تعمله التوكيل النهارده وكلمتك وموبيلك كان مقفول، وبعدين هي مش لوحدها معاها مروان ابن اخوك.. 

زكريا بغيظ 

مروان ايه ده كمان ده بيمشي تايهه لوحده.. 

المنشاوي

اهدي طيب واهم وصلو... 

_ بص زكريا لباب المطعم وشافها وهي داخله تضحك مع مروان، فقام وهو متعصب جداً.. 

المنشاوي

زكريا اهدي.. 

زكريا بحده 

خليك في حالك.. 

_ قرب منها وهي واقفه مع مروان ومسك ايدها وطلع بره المطعم وقال لمروان قبل ما يقول اي حاجه.. 

زكريا

كلم جدك عايزك.. 

مروان 

طيب انا جاي عايز اقعد معاك.. 

_ ما ردش عليه واخد جهاد اللي كانت مش فاهمه سبب غضبه ووقفو بره المطعم وقالها بغصبيه

زكريا

هو مش انا قولت ما تخرجيش من غير ما اعرف؟.. 

_ هي كانت خايفه من عصبيته وخوفها الاكتر هو قربه منها الكبير، وردت عليه بنبره مهزوزه وقالت... 

جهاد 

انا كلمتك وموبيلك مقفول وباباك قالي اروح.. 

زكريا بجمود 

اول واخر مره لو ايه حصل تروحي اي مكان من غير ما اعرف.... 

جهاد بقلق

بس انت اللي كان موبيلك مقفول.. 

زكريا بحده 

يبقي تترزعي لحد ما اجي واوديكي ما تروحيش مع حد لوحدك.. 

جهاد بدموع

ممكن ما تزعقش فيا.. 

ضغط علي ايدها اكتر وقال

لما تبقي تسمعي كلامي الاول، واطلعي فوق ما فيش نزول تحت خالص النهارده.. 

_جات تمشي بس هو شدها من ايدها وخلاها رجعت وقفت قدامه تاني وقال بنبره تحمل كل معاني الغيره.. 

زكريا

حصل ايه واتكلمتي في ايه مع المحامي ومع مروان؟.. 

بصتله بضيق من غيرته الواضحه وردت عليه وقالت

عادي يعني مش حاجه مهمه.. 

جات تمشي تاني فشدها جامد وقال

ما تخلنيش اتعصب عليكي وردي عليا كويس.. 

اخدت نفس عميق وردت عليه بنفاذ صبر

عادي اتكلمت مع المحامي في القضيه، ومروان كلمني علي الجامعه اللي هيقدم فيها واننا هنكون مع بعض لو ظروفي سمحتلي اقدم علي الجامعه انا كمان.. 

زكريا بجمود 

وانتي هتقدمي؟.. 

جهاد بضيق

دي حاجه تخصني وياريت ما تنساش انت متجوزني ليه، ولو نسيت افكرك انت متجوزني عشان ابنك وما فيش حاجه تخصك في حياتي غيره.. 

زكريا بحده 

كل حاجه فيكي تخصني مدام لسه مراتي، واطلعي فوق وما فيش نزول خالص حتي للمطعم.. 

جهاد بحزن

طيب طنط نورا انا لازم اروحلها.. 

زكريا بجمود 

لا واطلعي فوق يلاا، وكلامي يتسمع يا جهاد والا ردي فعلي مش هيعجبك خالص.. 

_ نزلت دموعها بحزن وضعف وسابته وطلعت فوق، وهو اتنهد بضيق وكان لسه هيدخل المطعم بس اتفاجئ بعزيز اللي وقف بعربيته قدام المطعم، ونزل منها وقال.. 

عزيز 

هو اللي انا شوفته ده صح، طيب اللي سمعته صح انت اتجوزت اخت عماد؟... 

زكريا بجمود

عايز ايه وايه اللي جابك هنا؟.. 

عزيز 

حلو الكلام جيت هنا لما غلبت الاقيك يا ابن المنشاوي، نعقل بقي ونرجع نشوف شغلنا.. 

زكريا بجمود

بطلت ماليش مزاج الفتره دي.. 

عزيز بغيظ 

هو بمزاج امك يالااا.. 

زكريا بحده 

عزيز اعرف انت بتكلم مين وخلاصة الكلام انا مش راجع غير بمزاجي.. 

عزيز بجمود

لما جيت وفهمت الشغلانه قولتلك ما فيهاش طلوع وانت وافقت مش كده؟.. 

زكريا 

ولو طلعت منها هيحصل ايه؟.. 

عزيز بخبث

ابوك في حماية اخوك وبعيد عننا، بس مراتك القطه الصغيره هي نقطة ضعفك يا زكريا مش كده.. 

زكريا بغضب

واللي هيقرب منها همحيه من علي وش الدنيا، ولو في ايدكم حاجه واحده تخلص عليا فانا في ايدي كتير... 

عزيز بغضب

انت اللي اخترت يا حبيبي ما ترجعش تعيط، ومبروك علي الجواز والبيبي طلع ولد مش كده؟... 

_اتصدم زكريا من معرفة عزيز بأدق تفاصيل حياته، بس مثل قدامه البرود وبعد ما مشي عزيز، طلع زكريا فوق وكانت مستعجل جداً وراح اوضته واول ما فتح الباب، اتفاجئ بجهاد اللي كانت واقفه وبتغير هدومه ولما شافته اتوترت جداً وواتكسفت وهو طلع وقفل الباب... 

زكريا بجمود

محتاج حاجه من جوه ضروري.. 

_ما ردتش عليه وفتحت الباب بعد شويه بعد ما لبست بجامتها الطويله والواسعه جداً وقالتله بعصبيه ووشها باين عليه الكسوف.... 

جهاد وهي بتشاور علي الباب

ده اتعمل عشان نخبط عليه، مش ندخل زي ال... 

_ما كملتش كلامها ودخلت جوه وهو دخل وراها وقفل الباب وقال بهدوء... 

زكريا

ما حصلش حاجه لكل ده علي فكره انا جوزك ولا نسيتي.... 

_ ما ردتش عليه وقعدت قدام المرايا اللي في الاوصه وفضلت تسرح في شعرها، وهو راح ناحيى الدولاب وقال بضيق.. 

زكريا

انا حاجتي اللي كانت هنا فين؟.. 

جهاد بجمود

من تحت عندك.. 

_بصلها وهي شعرها مفرود وكان لايق جداً علي شكلها البرئ، وابتسم بهدوء وقالها..... 

زكريا

وانتي اخدتي الدولاب كله علي حسابك ولا ايه، افرض قررت ارجع اقعد هنا احط حاجتي فين؟.. 

جهاد بضيق

وانا كنت هحط حاجتي فين يعني، واطمن لو انت رجعت هنا انا هسيبهالك مخضره.. 

_ قالت كلامها وراحت نامت واتغطت كلها وما كانش في حاجه باينه منها خالص.. 

زكريا بأستغراب

هو ده جو حد يتغطي فيه هتفطسي كده.. 

ردت عليه وهي تحت البطانيه

انا حره مالكش دعوه، وخد اللي عايزه واطلع بره.. 

_ ضحك بهدوء وبعدين طلع علبه صغيره من بين حاجته، وفتحها بمفتاح كان شايله معاه وطلع منها فلاشه صغيره، وراح قعدت علي الترابيزه وفتح االلابتوب بتاعه وفضل يتفرج علي التسجيلات اللي فيه، واللي كانت بينه وبين عزيز وكل واحد طلب منه يقتل حد... 

ابتسم بخبث وقال

عيب برضو ده انا زكريا المنشاوي يا ولاد ال... 

_ وخد باله من جهاد اللي كانت بتحاول تطلع راسها من تحت اللحاف وبتبصله، ولما شافته مركز عليها اتغطت بسرعه وهو ضحك بصوت عالي وشال الفلاشه مكانها وقفل اللابتوب وراح وقف جنبيها وقال.. 

زكريا

اطلعي من الخيمه دي عايز اكلمك.. 

جهاد بحده 

انا نايمه علي فكره.. 

_شال اللحاف من عليها وقرب منها وهي بعدت بسرعه وقبل ما تقوم مسك ايدها وقالها بخبث.  

زكريا

علي فين بس ما انتي كنتي نايمه؟.. 

جهاد بخوف

انت عايز مني ايه؟.. 

زكريا بهدوء

صغيره اووي يا جهاد انتي علي كل اللي بيحصل معاكي ده... 

زاد خوفها وقالتله

هو هيحصل ايه تاني، وو وانت مقرب مني كده ليه ابعد عني.. 

زكريا بجديه

ما تخافيش مش هعملك حاجه، وما تزعليش ما كنش قصدي ازعقلك بس انا كنت خايف عليكي.  

جهاد بدموع

هتخليني اروح لطنط نورا طيب؟.. 

ابتسم بهدوء ورد عليها

حاضر هخليكي تروحيلها،بالليل هاجي اخدك تطمني عليها ونرجع... 

جهاد فرحت وقالتله

شكراً جدا بجد، وخلاص عفونا عنك.. 

_رفع ايده اللي كانت ماسكه ايدها وحطها علي شعرها اللي كانت عملاه ضفيره وقال بهدوء... 

زكريا

شعرك حلو اووي وهو مفرود علي فكره.. 

وغمزلها وكمل كلامه 

بس مش احلي من عينيكي مؤخراً بقيت احب وجودك واني اشوفك، بقيت مهتم بكل حاجه تخصك ومش عشان ابني بس و عشانك انتي كمان، انا مش بستغل احتياجك ليا، بالعكس احتياجك ده ومسؤليتك اللي بقيت مهمتي خلوني احب نفسي واحس ان انا مهم ووجودي مهم وحياتي مهمه عند حد، نامي وما تشليش هم حاجه يا جهاد مدام انا موجود.. 

جهاد بتوتر 

طيب اوعي عشان انام... 

_ ضحك بهدوء وقام من علي السرير، وطلع بره الاوضه خالص وهي نامت وفضلت تفكر في كلامه وتلقائياً ابتسمت وحضنت مخدتها كعادتها ونامت.... 

ــــــــــ #بقلم_الكاتبه_رحاب_القاضي ــــــــ

_ وبالليل دخل يوسف هو وبطه العياده بتاعت الدكتوره اللي هتعمل عندها العمليه، وفضلو قاعدين مستنين دورهم وبطه كالعاده انشغلت بالكلام مع واحده من الستات اللي قاعدين هناك، فقام يوسف من جنبيها وراح وقف في البلكونه اللي في العياده وهناك شاف واحد صاحبه واقف وبيشرب سجاير... 

يوسف

اسامه عامل ايه يا جدع ليك واحشه.. 

اسامه بهدوء 

الحمد لله كويس وبخير، انت عامل ايه يا يوسف.  

يوسف

الحمد لله تمام، ايه جاي مع مراتك انت كمان؟.. 

ابتسم اسامه بسخريه ورد عليه وقال

مراتي؟!.. لا جاي مع اختي انا لسه ما اتجوزتش.. 

يوسف بتعجب

لحد دلوقتي ليه يا ابني كده ده انت خلاص هتدخل في الاربعين؟.. 

اسامه بسخريه

مش لاقي محل نجف كويس اجيب منه نجف لشقتي اللي لسه ما جيبتهاش.  

يوسف بعدم فهم 

مش فاهم انت تقصد ايه؟.. 

بان حزن الاخر في عيونه وقال بنبره حزينه

قصدي اني للاسف لحد دلوقتي لسه مش عارف اكون نفسي، ابويا الله يرحمه راح وسابلي امي واخواتي في رقبتي، مش مسؤليه كبيره بس الاسعار اللي كل يوم بتغلي خلوني مش عارف حتي اشيل قرش لنفسي، ده حتي اختي اللي جهزتها بدم قلبي جوزها سافر بره مصر وسابهالي وهي حامل واصؤف يا اسامه دي اختك هترمي اختك يا جدع... 

يوسف بحزن

بقولك ايه تعالي عندي الشركه وانا هجيلك شغل كويس انت متعلم وخريج كليه محترمه.. 

اسامه بدموع

هتقدر تصلح حال اكتر من نص شباب البلد، تلبلد اللي بقي الكبار اللي فيها بيستغلو ضعفنا قدام رغيف العيش وبيعملو الفقرا والغلابه سلم عشان يوصلو للكرسي اللي فوق، علمونا نسكت عشان اللقمه لحد ما هيجي يوم هياخدو اللقمه دي ومش هنقدر نتكلم برضو عشان هنبقي اتعودنا ناخد علي دماغنا ونسكت.. 

جات بطه وقالت

يوسف يلا يا حبيبي دورنا جه.. 

طبطب يوسف علي كتف اسامه وكأنه بيطبطب علي شعب كامل تلخصت معاناته في هذا الشاب، وقاله بهدوء... 

يوسف 

انا تحت امرك في اي وقت يا اسامه، هستناك تجيلي.. 

_ وسابه ومسك ايد بطه ودخلو عند الدكتوره، اللي قالتلهم وهي بتقرا في الاشعه والتحاليل... 

الدكتوره

ان شاء الله يةم الجمعه الجايه نعمل العمليه، طبعاً يا بطه انتي من بكره هتشرفيني في المستشفي وانا كل يوم هتابع حالتك بنفسي، الغمليه مش ساهله وانتي لازم تكوني جاهزه ليها كويس جداً.. 

انتفضت يدها بخوف بس ابتسمت ليوسف وقالت

طيب الحمد لله يا دكتوره، انا مش خايفه علي فكره بالعكس متحمسه جداً... 

ـ كان يوسف بيبصلها بضيق لانه عارف انها بتكدب وبتمثل الهدوء عكس اللي جواها، وعارف انها بتعمل كده عشانه وعشان ما تخليهوش يخاف ولا يقلق عليها... 

ـ ولكن كيف اخبرك يا هياميِ بأن قلبي يشعر بكِ وبمخاوفك ويموت رعباً من أن يحدثُ ليكِ مكروه😔

ــــــــــ #بقلم_الكاتبه_رحاب_القاضي ــــــــ

_ في بيت يونس الصاوي.. 

كانت السعاده مكانها قلبه ان خلاص شهد رجعتله وبقيت مراته من تاني، وانه دخل اوضته ولقاها موجوده زي الاول، بس اللي حصل ما كانش في باله خالص... 

كانت واقفه بترتب في حاجتها في الدولاب بعد ما جابهالها صبري، قرب منها يونس وحضنها بهدوء وقال بنبره عاشقه... 

يونس

واخيراً يا شهد ده انتي طلعتي عين امي عشان ارجع اشوفك هنا تاني.. 

شهد بجمود

ابعد عني.. 

بعد عنها شويه وقال

والله ايه الوش ده بقي؟.. 

بعدت هي عنه اكتر وقالت

زي ما سمعت ابعد عني واياااك تقربلي، انت اجبرتني ارجعلك واديني رجعت بس ما فيش حاجه هتتغير.  

يونس بهدوء

يعني ايه؟.. 

_مسكت هدومها من تاني وفضلت تحطها في الدولاب بهدوء وردت عليه وقالت.. 

شهد 

يعني حاجتك انا وديتهالك الاوضه اللي تحت، وانا هقعد هنا لوحدي وانت مش هتقرب مني خالص.. 

يونس بجمود

ده عند امك.. 

شهد بغيظ

احترم نفسك يا يونس واياااك تغلط فيا تاني عشان انا كمان عندي لسان وممكن ارد عليك.. 

يونس بأستغراب

والله انتي بتتكلمي جد يا شهد، انتي دلوقتي مراتي ايه بقي جو نام تحت وانا انام فوق.. 

شهد بجمود

لحد ما اصدق انك اتغيرت، انت هتفضل في حالك وانا في حالي لحد ما الاقي فيك يونس اللي حبيته الشاب الجدع اللي لفت نظري من اول مره شوفته فيها، مش يونس بيه اللي حياته كلها حاجات غامضه وبقي مفرور بزياده حتي علي مراته.. 

يونس بسخريه

كل ده ومغرور عليكي، انا بكبر وبوصل فوق واناي والولاد معايا.. 

شهد بدموع 

والله واعلم في مين تاني، ويكون في علمك انا من بكره هرجع شغلي وفي اي وقت ممكن اجيلك شغلك وهروح النادي انت مش هتفضل مداريني في البيت.. 

يونس بحده 

شهد انتي مش هتمشي كلامك عليا، اللي عايزاه هعمله بس مش هتتحكمي فيا في بيتي ولا في اللي بينا... 

ردت عليه بنفس نبرته 

وانا اللي عندي قولته يا يونس انت مش هتقرب مني لحد ما اتأكد انك مش هتكون معايا دلوقتي والصبح هتبقي مع غيري، من الاخر لما ارجع اثق فيك تاني وقتها ممكن نبقي زي الاول.. 

يونس بغضب

ماشي يا شهد هنزل بس بمزاجي وهسيبك تهدي وكلامك ده انا هنفذه وهثبتلك العكس، مش خوف منك لسمح الله ده عشان بحبك ومش عايز اغصبك علي حاجه ولا ازعلك.. 

_وقرب منها وبكل هدوء باس ؤاسها وسابها وطلع وهي ابتسمت بأتساع واخدت نفس عميق وقالت.. 

شهد 

الصبر يا يونس وهنشوف بتحبني بجد وهتتحملني ولا هتروح تبص بره المره دي كمان.. 

_ وطلعت من اوضتها وراحت لاوضة هناء واتفاجئت بولادها نايمين عندها.. 

شهد 

ليه كده يا طنط هناء هيتعبوكي وخصوصاً يوسف ه.. 

قاطعتها هناء بصوت واطي وقالت

هيفضل طول الليل يقول عايز اشرب عايز اكل هايز اروح الحمام العفريت تحت السرير كان في حد بيخبط علي الباب.. 

ضحكت شهد وقالت

انتي عرفتي منين؟.. 

هناء بهدوء

رغم ان يزن اللي شبه يونس اووي الا ان تصرفات يوسف كلها تصرفات ابوه لما كان في سنه، هو فين يونس؟.. 

شهد بهدوء

نايم في اوضة الضيوف، نقلتله حاجته هناك؟.. 

هناء بضيق

لا لا ما تزوديهاش بقي يا شهد، مش بالطريقن دي هتعملي اللي انتي عايزااه.. 

شهد بخبث

هو انتي تعرفي يونس علي انه ابنك، بس انا كنت مراته وعشت معاه سنين وعارفه كويس انا بعمل ايه... 

هناء بغيظ 

جرا ايه يا بت انتي هتعرفيه اكتر مني بعني وانا ابني ما يتمرمطش كده، اينعم هو واطي شويتين تلاته بس ما بهونش عليا برضو.. 

شهد بهدوء

ولا يهون عليا انا كمان بس انا لازم اعمل كده واتأكد انه اتغير مش شويه ويرجع زي الاول تاني، انا مش هتحمل وجع منه تاني يا طنط هناء، ومش هقدر اعيش معاه وانا خايفه او مش واثقه فيه... 

هناء باقتناع 

طيب يا شهد بس ما تجيش عليه اوي احسن يطفش منك... 

ضحكت شهد وقالت

لا يونس يطفشني يزهقني يعمل هو اللي عايزه، انا يدوب برخم عليه وبنكشع بالنسبه لـ اللي بيعمله معايا.. 

ضحكت هناء وقالتلها

طيب روحي نامي بس الاول هاتي الموبيل من عندك في الشاحن اكلم محمد ومراته اطمن عليهم.. 

شهد 

في حاجه معاهم ولا ايه؟.. 

هناء

لا لا ابداً بس محمد كان عنده دور برد ومراته بتخاف عليه من الهوا الطاير وبتتوتر ومش بتعرف تعمله حاجه فاما بتابع معاهم من هنا.  

شهد جابتلها الموبيل وقالت

ربنا يخليكي لينا يا ماما هناء، تصبحي علي خير.  . 

ــــــــــ #بقلم_الكاتبه_رحاب_القاضي ــــــــ

_ وعدي يوم في التاني وجه معاد كتب كتاب جميله وحسين..كانت قااعده في اوضتها وملامحها بان عليها الحزن بدرجه كبيره، دخلت عندها فريده وقالت.. 

فريده 

ايه المنظر ده يت جميله قومي كده خدي شاوي واجهزي عشان الميكأب ارتست جايه بعد شويه.. 

جميله بدموع 

حاضر.  

قعدت فريده قدامها وقالت بهدوء

انتي بتعملي الصح، اوعي بعد النهارده تفكري في عمار ده تاني حسين هيبقي جوزك وغلط وحرام تفكري في غيره.. 

نزلت دموعها وقالت بنبره متألمه 

ودي اعملها ازاي، ده انا حتي لو بنام عشان اهرب من التفكير فيه مش بحلم غير بيه يا ماما.. 

حضنتها فريده وقالت

هتعظي فتره وهتعدي، انا مش بضرك يا جميله ده انتي واختك اللي ليا في الدنيا ولو حسين فيه حاجه واحده وحشه انا عمري ما كنت هوافق يتجوزك.. 

بعدت عنها جميله وقالت 

حاضر يا ماما انا قايمه اجهز اهو.. 

_ قامت جميله ودخلت الحمام بتاع اوضتها، وفريده طلعت بره لقيت ايتن قاعده بتاكل... 

فريده 

خلصي اكل وانزلي يلا عشان تجيبي الطلبات من السوبر ماركت.. 

ايتن بضيق

ابعتي البواب ماليش مزاج انزل.. 

مسكتها فريده من ودنها وقالت

انا اللي اقولك تعمليه تقولي حاضر وبس فاهمه ولا لا؟.. 

ايتن بألم 

حاضر والله حاضر بس سيبي ودني.. 

فريده 

وكفايه اكل اتنيلي روحي غيري هدومك وانزلي يلا.. 

_اخدت فريده الاكل من قدامها ودخلت المطبخ، وقامت ايتن بسرعن مسكت موبيلها اللي كانت فريده مخبياه منها في النيش وفتحته بسرعه وبعتت رساله صوتيه لمروان وقالت.. 

ايتن

انا ربع ساعه وهكون في السوبر ماركت اللي كنت بتجيبلي منه شوكلاته هستناك عشان لازم اشوفك.. 

_وقفلت الموبيل تاني بسرعه ورجعته مكانه، وراحت غيرت هدومها ونزلت بعد ما عرفت الطلبات من مامتها واخدت منها الفلوس، وفضلت تشتري في الحاجه لحد ما جه مروان بعربيته الجديده.. 

نزل من العربيه وقال

وحشتيني اووي يا حبيبتي.. 

ايتن 

هو انت صالحت باباك؟.. 

مروان 

ايه الرد الغريب ده، علي العموم لا لسه زي ما احنا ما نابنيش غير اني خلقت شعري... 

ايتن بشك 

يا سلام اومال مين اللي جابلك العربيه دي؟.. 

مروان بجمود

ايه النبره دي يا ايتن، وبعدين العربيه دي جبهالي جدو بمناسبة اني خلصت الثانويه وعايز يشوفك علي فكره حكيتله عنك كتير. 

ايتن بضيق

هتيجي امتي تكلم ماما عشان تخطبني زي ما كنا متفقين.  

مروان بسخريه 

بالله عليكي يا ايتن ده وقته.. 

ايتن 

ايوه وقته يا مروان 

مروان 

لا مش وقته يا ايتن اولاً علاقة بابا بأهلك زي الزفت بسبب حواره هو وجميله، ثانياً المشكله اللي بيني وبينه وانا مش هستسلمله اكيد وهروح اشتغل معاه.. 

ايتن بضيق

لا انت هتوافق يا مروان، ضحي شويه عشاني.. 

مروان بحده 

اضحي بأيه بنستقبلي بحياتي كلها ارتبط بشغل وحاجات اكبر من سني، لا طبعاً.. 

ايتن بدموع

انت وعدتني يا مروان ان بعد ما نخلص الثانويه هتخطبني، انا علي الاساس ده قبلت نتكلم وقبلت اني اكدب علي ماما عشانك، انا لحد دلوقتي متحمله كلام ماما انك كنت بتتسلي بيا ومستنيه الوقت اللي هتيجي تثبتلها انك ما كنتش بتتسلي

مروان بضيق

ايه الاوفر ده يا ايتن، انا هخطبك بس في وقتها مش دلوقتي خالص.. 

نزلت دموعها وقالت 

لا دلوقتي ولا بعدين يا مروان، وانا غلطانه اني حبيت واحد زيك.. 

جات تمشي بس هو بسرعه وقف قدامها وقال

استني طيب يا ايتن احنا لسه بنتكلم، وانتي ليه مستعجله كده.. 

ايتن ببكاء

عشان انت اللي عشمتني بكده، انت اللي قولتلي انك هتيجي في الوقت ده وتخطبني، وعشان خايفه من عمي يجوزني لواحد من معارفه واتغصب اوافق انا كمان زي جميله.. 

مروان بضيق 

هو ايه القرف ده بجد انا مش عارف اعمل ايه بس صعب يا ايتن اجي دلوقتي.. 

بصتله بحزن وردت عليه 

خليك يا مروان انا مش هتحايل عليك، بس لما ابقي اتجوز غيرك ما تزعلش.. 

_ سابته ومشيت وهي بتعيط وهو اخد عربيته ورجع البيت، وكان في الوقت ده عمار لسه راجع من شغله.. 

مروان بقلق

جدو هو اللي جابلي العربيه والله... 

عمار بجمود

طيب قولي هو عمك اتجوز امتي؟.. 

مروان 

من فتره كده بس في حاجه غريبه في الموضوع، عمي زكريا المنشاوي اتجوز بنت محجبه وصغيره تقريباً في سني.  

عمار بسخريه 

هو عمك بقي حد يعرفله حاجه، المهم اجهز عشان بالليل هنروح كتب كتاب جميله.. 

مروان بصدمه 

نعم هنروح فين؟.. 

عمار بجديه 

عمها جه وعزمني بشكل شخصي وانا ما ينفعش ما اروحش غلط.. 

مروان بهدوء

طيب كويس اهو نصلح الوضع بينا وبينهم عشان موضوعي انا وايتن.. 

عمار بجمود

مش لما تبقي تشتغل الاول وو.. 

قاطعه مروان وقال

موافق هشتغل مع حضرتك بس في اقرب وقت اخطب ايتن... 

ابتسم عمار وطبطب علي كتفه بهدوء وقال

تمام يا مروان انا معاك وهقف جنبك لحد ما تتجوزها.. 

حضنه مروان وقال

انا اسف يا بابا ما تزعلش مني انا غلطان... 

عمار بهدوء

حصل خير كفايه انك عرفت غلطك... 

وبعد عنه وقال

هطلع انا ارتاح شويه ومتنساش مشوار بالليل.. 

مروان بحزن علي حال والده

بابا بلاش نروح احسن انت اكيد هتدايق... 

عمار بأبتسامه هادئه 

لا ازاي انا لازم اروح، عندي فضول كبير اشوفها وهي عروسه هتبقي ازاي... 

_ قال كلامه وطلع اوضته، واول ما دخل اوضته راح قعد علي الكنبه الكبيره اللي موجوده فيها، وفتح موبيله وفضل يتفرج علي صورها وعيونه اتملت دموع كان بيداريها قدام الكل عشان ما حدش يشوف ضعفه وحزنه.. 

ــــــــــ #بقلم_الكاتبه_رحاب_القاضي ــــــــ

_ وفي المستشفي اللي هتعمل فيها بطه العمليه.. 

قبل معاد عمليتها بساعه كانت قاعده في اوضتها الطبيه وقاعد يوسف جنبيها ومهو مدايق جداً  ومعاهم يونس وشهد.. 

بطه بمرح 

شايفين قالب وشه عليا ازاي وكأن هو اللي هيعمل العمليه.. 

ضحكو كلهم ويوسف ابتسم وقالها

مش قالب وشي ولا حاجه، بس متوتر شويه.. 

يونس 

انشف كده يا عمم ما تبقااش علي طول كاسفنا كده.. 

بطه بحده 

مالكش دعوه بيه علي الله تبقي ربعه.. 

شهد بسخريه

هه لا اطمني يوسف ما فيش زيه... 

بصلها يونس بغيظ وقال

والله كيس جوافه انا قدامك يعني.. 

شهد ببرود 

هو انا قولت حاجه انا بقول الحق، هقوم دقيقه يا بطه اطمن علي الولاد واجيلك تاني.. 

بطه 

خدي راحتك يا حبيبتي.. 

طلعت شهد ويونس قال لبطه

امك فين يا بت ما جاتش معاكي ليه؟.. 

بطه 

ما قولتلهاش علي معاد العمليه اصلا، مش ناقصه بقي تيجي وتفضل تعيط كفايه اللي جنبي.. 

ضحك يونس ويسف قالها

يا بنتي اتهدي شويه حتي وانتي في الوضع ده مش ساكته.. 

يونس

براحتها يالااا تعمل اللي عايزاااه.. 

قام يوسف وقال

طيب خليك جنبيها لحد ما اروح اشوف الدكتوره.. 

طلع يوسف، وبطه بصت ليونس وقالت بدموع

انا خايفه اووي يا يونس انا بجد مرعوبه.. 

_قام من علي الكنبه وقعد قدامها ومسحلها دموعها وقال بهدوء... 

يونس

وعليكي ايه طيب ما بلاش منها وفي داهيه اي حاجه تتعبك.. 

بطه ببكاء

يةسف يستاهل اكتر من كده، وحياة ولادك يا يونس لو حصلتلي حاحه خليك جنبه وما تخليهوش يوقف حياته عذاني انا مسمحاه لو اتجوز وكمل حياته انا هكون مبسوطه.  

حضنها يونس ورد عليها بدموع

ما تقوليش كده ما فيش حد هيكمل مع جوزك غيرك، وهتقومي وهتبقي كويسه وهتبقي احلي ام كمان... 

_وبره كانت شهد واقفه عند الشباك بتكلم جميله وقالتلها.. 

شهد 

حقك عليا والله يا جميله، انا بس اطمن علي اخت يونس هنا وهخليه يجيلني ليكي علي طول.. 

جميله بحزن 

مخنوقه اووي هاين عليا اطلع اديهم كلهم بالجزمه واطردهم.. 

ضحكت شهد بهدوء وقالت

تبقي بنت ابوكي والله لو عملتي كده، واولهم عمك عشان مش بطيقه الراجل ده.. 

جميله بدموع

يعني ما صدقت تبقي عندي واحده صحبتي تقزم تسيبني.. 

دخلت عندها فيروز في الوقت ده وقالت

اخص عليكي اومال ساره مكاتب راحت فين... 

ابتسمت جميله وقالت 

اقغلي يا بت يا شهد طلعت في واحده كنت نسياها.  

قغلت مع شهد وراحت حضنت فيروز وقالت

والله انا كنت هقولك لو كنت هتجوز اللي في بالي.. 

فيروز

من غير ما تقولي اختك ايتن كلمتني وقالتلي ان ما حصلش نصيب بينك وبين عمار بيه، بس مش مهم العربس اللي بره ده جميل.. 

جميله بضيق

علي نفسه بقي، اهي جوازه وخلاص انتي المهم عامله ايه في شغلك.. 

فيروز

انا كويسه وزي الفل المهم يلا بقي نطلع عشان المأذون جه وانا بره.. 

_ قامت جميله وطلعت معاها وكانت حلوه اووي بغستانها الاوف وايت الطويل بأكمامه الطويله الشيفون، وشعرها اللي كان مفرود علي ضهرخا بشكل جذاب، ولاول مره تكون ظاهره بميكأب كامل زي ما طلبت مامتها.  

_ واول ما طلعت بره ما شافتش غيره، كان عمتر قاعد بين الضيوف وعيونه عليها من لما ظهرت، كان قاعد بكل هيبه وثبات زي عادته حتي انه خاكف الانظار من الكل حتي من العريس نفسه.. 

احمد قرب منها وقال

ايه القمر ده يا بنت اخويا الغالي، تعالي عشان اسلمك لعريسك... 

ـ بصت للارض ومشيت جني عمها لحد ما وصلت لحسين اللي كان طاير من الفرحه، وبدأت الزغاريت صوتها يعلي، وكان المنظر يدل انه فرح لكن في قلب جميله كان بداية عذاب ليها.. 

قرب عليها حسين وقال بهدوء

طالعه زي القمر يا جميله النهارده.. 

ردت عليه بجمود

متشكرين.. 

حسين بأستغراب

نعم هو ده ردك؟.. 

جميله 

اجيب ميكرفون واقولك شكراً يعني يا حسين.  

. حسين بهدوء

يا ستي اي حاجه منك حلوه والله.. 

_ بصت للناحيه التانيه بضيق، وتلقائياً راحت نظراتها لعمار واتملت عيونها دموع وبصت لاارض تاني،اما هو كان في حال لا يحسد عليه وهو شايف البنت الوحيده اللي حبها بتتجوز غيره.. 

_واللي واد الموضوع سوء، لما احمد وقف جنب عمار وقال بكل خبث... 

احمد 

انا من اسعد الناس النهارده عشان شرفتنا يا عمار بيه، ويزيدنا شرف انك تكون شاهد علي كتب كتاب ابني وجميله بنت اخويا.. 

ابتسم عمار بهدوء وقال

يزيدني شرف يا احمد بيه طبعاً موافق.. 

_ تعامله الهادي مع الكل وهو بيشهد علي كتب كتابها خلاها تتوجع اكتر وتبقي دي اتعس لحظات حياتها، حتي بعد ما تم كتب كتابها وقام حسين وحضنها قدام الكل وقف عمار يسقف مع الضيوف، وبعد شويه انسحب ومشي وفضل مروان قاعد.. 

 حسين 

جميله انتي كويسه يا حبيبتي.. 

جميله وهي بتداري دموعها

اا انا تعبانه شويه هدخل اوضتي بس ارتاح معلش.. 

_ وقبل ما تسمع رده سابت مكانها ودخلت اوصتها قدام كل المعازيم وقفلت الباب عليها بالمفتاحو، وقعدت علي سريرها وفضلت تعيط بألم وحزن... 

_ وبره كانت ايتن واقفه جنب صحابها اللي جم يحضرو كتب كتاب اختها، وقرب منهم مروان وقال بهدوء.. 

مروان 

ايتن بعد اذنك دقيقه.. 

راحتله ايتن وقالت

نعم عايز ايه؟.. 

مروان 

تتجوزيني.. 

ايتن ببرود

لا.. 

مروان 

وانا اللي كنت فاكرك هتتصدمي وهتتوتري والجو ده، بس ما تبقيش ايتن لو عملتي كده.. 

ايتن بضيق

عايز ايه يا مروان؟.. 

مروان بهدوء

كلمت بابا ووافقت انزل معاه الشغل في الشركه  وهتعلم واشتغل وفي اقرب وقت هاجي اخطبك..

ابتسمت بسعاده وقالت

طيب ما انا كنت عارفه اني مش ههون عليك وهتعمل كده..

مروان 

 ما هو بصراحه مش عشانك بس وافقت لا وعشان بابا كمان حالته صعبه بسبب اختك.. 

ايتن بحزن 

يعني هي اختي اللي حالها يفرح.. 

_وبصت لعمها اللي كان واقف مع الضيوف ومبسوط وقالت بحسره وغيظ.. 

ايتن 

حسبي الله ونعم الوكيل في اللس كان السبب.. 

ــــــــــ #بقلم_الكاتبه_رحاب_القاضي ــــــــ

_ وعند عمار.. 

كان سايق عربيته وهو متعصب جداً، وكل ما يفتكر شكلها وهي في حضن حسين وانها بقيت مراته وملك لراجل غيره بتزيد عصبيته اكتر.. 

وقف بعربيته قدام بيت عايده، ونزل من العربيه وطلع عندها واول ما فتحتله الباب قالت بقلق وهي سانده علي العكاز بتاعها.. 

عايده 

مالك يا واد شكلك عامل كده ليه؟.. 

عمار بدموع نزلت بالفعل

جميله اتجوزت، جميله اتجوزت واحد غيري وانا زي ما انا واقف بتفرج... 

عايده بصدمه 

انت بتقول ايه ده انا مستنياتك تيجي تعزمني علي خطوبتكم، تعالي ادخل... 

_دخل عمار وقعد معاها وقالها كل اللي حصل من اول ما اتقدم لعمها لحد ما هي سابته.. 

عايده 

معذوره اتحطت في اختيار صعب بينك وبين امها وانا لو مكانها او اي حد اصيل هيختار امه ورضا انه.. 

عمار بنبره حزينه 

عارفه المشكله فين، انا مش عارف اخليها ما توحشنيش، انا شايفها بتتغصب علي واحد غيري ومش عارف اتصرف عشان هي ضعيفه ووافقت ما سابتليش فرصه اتمسك بيها حتي.. 

عايده بحزن 

مش نصيبك يا عمار، ربنا يعوضك خيراً منها.. 

ــــــــــ #بقلم_الكاتبه_رحاب_القاضي ــــــــ

_ في الوقت ده في بيت المنشاوي.. 

كانت جهاد قاعده علي سجادة الصلاه بتاعتها بتصلي والباب خبط اكتر من مره وبعدين دخل المنشاوي ولما لقاها بتصلي وفضل واقف شويه مستنيها.. 

وهي سلمت وقالت

معلش يا بابا كنت بصلي، خير في حاجه؟.. 

المنشاوي

في بنت بره حلوه اوي بتقول انها شيماء اختك وعايزه تشوفك.. 

جهاد وقفت وقالت بصدمه

ايه شيماء اختي بره؟... 

_ تفتكرو بقي هيحصل ايه؟.. 

ــــــــــــــــــــــــــــــــــــــــ 

#بقلم_الكاتبه_رحاب_القاضي

         الفصل التاسع عشر الجزء الثاني من هنا

لمتابعة باقي الرواية زوروا قناتنا على التليجرام من هنا

تعديل المقال